مفرح الأسمري

“تجربتي مع الاخصائي كانت من اجمل التجارب الي اخوضها وما ندمت ابدًا يخليك تشوف نفسك من زوايه ثانيه ما قد شفتها ابدًا عنده طاقه ايجابيه وكلامه مريح جدًا وصوته هادي يطمنك من اول مره وكانه يشيل عنك الثقل ، من الاشياء الي شدتني تعاونه ما يهمه الا مصلحة المريض ما يحاول يختصر او يمشي الجلسه لا ابدًا بلعكس يعطيك وقتك وزياده ويهتم بالتفاصيل الصغيره قبل الكبيره وهذا نادر تلقاه، أسلوبه والتشخيص دقيق جدًا يفهم حالتك ويفهمك اياها بكل دقة وأمانه ويخليك واعي لكل خطوة للعلاج هو هدية من الله انرسل وقت حاجتي ليد حنونه وعقل واعي يوقف معي فعلًا كلامه غير فيني أشياء كثير حتى تفكيري بدا يهدأ طمني كثير على اشياء ما كانت سهله بالنسبه لي الجلسات مو بس علاجيه هي امان وثقه عاليه وراحة نفسية وفعلًا تحس انك شخص تهمه ان تكون بخير دائما، اي شخص يبحث عن اخصائي صادق واضح تشخيصه دقيقه يفهمك حالتك ويتعاون معك ويغيرك للأفضل لا يتردد ابدًا بالخضوع للعلاج معه ، ادعي له من كل قلبي ان الله يوفقه ويريحه مثل ما ريحني وساعدني ويجزاه خير الجزاء ويكتب اجره بكل نفس ارتاحت وكل قلب اطمئن بكلمة او نصيحه منه والله ما انسى فضله بحياتي ومستمره معاه شكرًا من القلب ?”

“بكل صدق ومن غير مجاملة،الاخصائي هذا من اروع وافضل الأشخاص الي ربي سخرهم لي في حياتي ما كان مجرد اخصائي عادي بل هو رساله من الله، ما كنت اتوقع يوم إني القى إنسان يجمع بين العلم والفهم والإنسانية بنفس الوقت. أول ما تكلمت معاه حسيت باهتمام مختلف ، اهتمام مو بس من باب عمله كإخصائي، لكن اهتمام إنساني حقيقي نادر. صوته وكلامه لحالها تعطي راحة وطمأنينة، واسلوبه في الحوار يخليني اتكلم بكل ثقه وراحة وافتح قلبي بدون خوف، عنده قدرة عجيبة تبارك الله على انك تحس إنك مفهوم ومسموع، وهذا أكثر شيء نحتاجه حنا ، مو بس يسمعك، لكنه يركز على كل كلمة تقولها ويحللها بطريقة تخليك تفهم نفسك أكثر وتشخيصه دقيق ويعطي من وقته كثير عشان تفهم نفسك وحالتك لحد يتردد يحجز عنده والله ما يندم واجزم بذلك، مالي سواء الدعاء له بإن يجزاه خير الجزاء وان يكتب أجره ويدخله الجنة دون حساب ولا سابق عذاب الله يعطيه الصحه والعافيه وسعادة مايشوف بعدها هم ولا حزن ❤️‍?”

“تجربة الجلسة مع الدكتور كانت مميزة على أكثر من مستوى، يلفت الانتباه منذ البداية حسن الإصغاء والإنصات المتأني، حيث يمنح العميل مساحته الكاملة لشرح ما يمر به دون استعجال أو مقاطعة، كما يحرص على توضيح أجندة الجلسة ومجرياتها منذ البداية، مما يخلق شعورًا بالوضوح والطمأنينة أثناء الحوار. يتعامل مع المشكلة بتدرّج منهجي، فيرافق العميل خطوة بخطوة في تفكيك ما يمر به، مع قدرة واضحة على قراءة الحالة بصورة شمولية وربط المشاعر بالتجارب والسياقات المختلفة، ومن الجوانب الإيجابية كذلك مرونته في الوقت؛ إذ يمدد الجلسة عند الحاجة حتى يكتمل النقاش بصورة مريحة وغير متعجلة. بشكل عام، كانت تجربة مهنية وإنسانية إيجابية، تعكس فهمًا عميقًا للحالات الإنسانية وحسًا عاليًا بالمسؤولية تجاه العميل، وهي تجربة تشجع بكل تأكيد على الاستمرار في جلسات أخرى.”